Home / 電影 / 《迷幻列車2》一個中坑的自白
trainspotting cover

《迷幻列車2》一個中坑的自白

    電影已在兩星期前看過,本打算不寫這篇文章,主要是諗唔到應該用什麼角度去寫。
但前作實在太經典,續集冇理由唔理佢。既然想不到法子,乾脆找個極為喜歡上集的朋友來幫手。
我:「睇第一集嗰時你幾多歲?」

佢:「⋯⋯哦⋯⋯廿四歲呱!」
我:「嗰時點解會睇呢齣戲?」
佢:「我咩狗屎垃圾嘅戲都睇嗰喎,你都知架啦!」
我:「讀者唔知吖嘛,基本嘢都要問下𠺢!」
佢:「Ok Ok!」
我:「點解咁鍾意呢齣戲?」
佢:「嘩!呢啲問題好老土喎!」
我:「咁你想我問你咩吖!」
佢:「⋯⋯呀⋯⋯冇野冇野,繼續繼續。」
我:「咁答啦!!」
佢:「⋯⋯點解呀⋯⋯幾特別囉。」
我:「喂⋯⋯認真啲啦,肚餓吖,快啲搞掂去食飯呀!」

佢:「真係玩認真mode呀!」
我:「係呀!係呀!快啲! 快啲!」
佢:「⋯⋯得⋯⋯得⋯⋯等我諗吓先。」
他抽了半支煙之後,說:「第一集真係好破格,故仔啦、鏡頭啦、配樂啦,都好好,嗰幾條友又做得好啦,啲拍攝手法又新,之前睇咁多戲,都未睇過好似係咁㗎!」
我:「仲有呢?」
佢:「最重要係佢講到後生仔嘅心態,同埋一啲人係呢個世界遇到嘅矛盾。睇完齣戲之後,我反思咗好多嘢。」
我:「咁續集你覺得點呀?」

佢:「第一集拍得太好啦,好難超越嘅,所以去睇續集嗰時都冇乜期望。結果真係!但之後用另一個角度去諗,又覺得唔係太差,覺得導演某程度上都想同上集一樣,用小小寫實嘅手法去拍,不過劇情都有啲唔合理嘅,整體嚟講70分啦!第一集就90分。」
我:「最後一個問題,之後去食飯。呢二十年,你揀咗乜嘢life?」
佢:「嘩,呢啲問題呀⋯⋯不如一路食飯一路講!」
    在附近找了間小店,深夜時分店內沒有太多人,我倆一共喝了五支大啤酒之後,他説:「答返你頭先嗰個問題,講真,我廿幾歲嗰時已經諗,人可以選擇嘅嘢根本好少!樣啦、身材啦、男定女啦、聰唔聰明啦、出生係邊一度啦,要講仲有好多。人只可以喺環境容許嘅範圍以內選擇,但最重要係環境容許嘅範圍往往唔會好大!你諗吓吖,如果愛因斯坦嗰時係喺埃塞俄比亞出世,佢會點吖?仲有,其他人嘅行為同埋天然嘅影響,最後都會影響自己認為必然嘅結果,所以我覺得人生唔需要有太多plan,其實呢啲野,我覺得大部份人都應該會諗到!」
    他之後還說了很多個人觀點,但我相信不會有太多人喜歡聽,和我覺得我朋友的觀點絕對冇影響力。因此,我反而最想知道的是,看過這篇文章的讀者,你哋又選擇咗什麼life呢?